حجاب حسن يكتب.... كف آذاك عن الناس

 

الاذيه واثارها على النفس البشر                           

ناس كتير من اللي بيأذوا غيرهم بيبقوا مش مُدركين هما قد إيه أشخاص مؤذية 

مش مُدركين أن تصرفاتهم المؤذية دى بتغير حياة ناس للأسوأ ..

مش مُدركين إن التصرفات المؤذية ممكن تسبب مشاكل نفسية و صحية لغيرهم ..

إنك تستغل إن حد محتاجلك أو محتاج حاجة منك ده أذى..

إنك تضغط حد نفسيا ده أذى ..

إنك تستغل طيبة حد و حبه ليك ده أذى ..

إنك تكدب علي حد مديك الأمان ده أذى ..

إنك تستهين بزعل حد و تسيبه يتفلق ده أذى ..

عدم التقدير أذى ..

الكلمة السخيفة أذى ..

عدم الإلتزام بالوعود أذى .. 

الأذى له أنواع و أشكال كتير ..

و الشخص المؤذي مش لازم يبان على وشه أنه شخص مؤذي ..

و الشخص اللي بيتأذي مش لازم يبان علي ملامحه إنه موجوع و اتعرّض للأذى ..

جرّب الكلام على نفسك يمكن تعرف احساسه في نفوس الآخرين .

  شوف كم بني ادم بيتاذي بسببك شوف احساس اللي انت بتاذيه وبتتكلم عليه في ظهره طبقه على نفسك شوف هل اللي انت اذيته ده يكون انسان حساس ممكن تؤدي بهلاك روحه ويا ريت كلنا نحذر هذه الظاهره واذيه الناس واننا نكون ايد واحده متحابين فهذا من اثار غضب الله علينا لقول يا ريت ان انا كنت حابين وقلوبنا على قلوب بعضينا عشان ربنا يرضى علينا واننا نكون الفه مننا ما ناذيش بعضينا نكون قوم صالح يحب بعضه ويرضى بالقليل الرضاء بالقليل عباده ودايما نحمد ربنا ونبطل الظواهر السلبيه اللي بتاثر علينا وعلى العالم كله هذه نصيحتي اليكم وختاما لكم شكري وتقديري.                  /تقرير حجاب حسن