حكاية شعب
يا مصر ياأمى ياأغلى من عمري
افديكى يا بلدي لو الثمن دمى
اسمع معايا الصدى وردد الألحان
غنوه لعمر ابتدى غنوه لكل زمان
تحكى حكاية وطن من اعرق الأوطان
شعبوا يخطى المحن ويدوس على البركان
لا عمره يوم اتزل ولا يهمه هوان
شعب جسور وجرئ معروف في كل مكان
مهما يعيش في عذاب تلاقى قلبه شباب
كله شهامة ورجولة
إن كان عجوز أو شاب
حتى الطفولة البريئة بتغنى وتنادى
من اجل حب الوطن بتنشد بلادى بلادى
لو يوم ضاع الامان وسافرت ونسيت عمرى
ياخذنى شوق وحنان وارجع واقول بلدى
جزورى جواها فيها ابتدى عمرى
أموت واعيش فى هواها ياناس ده أنا مصرى
سعيد ابراهيم السعيد
0 تعليقات