اللواء د م سامي محمود دنيا يكتب التلاعب الذهني وفن الإلهاء. مصر 🇪🇬

 

 التلاعب الذهنى فى أسبوع الكذب 

التلاعب الذهنى بالشائعات و فن الإلهاء 

 منذ أمس بدأت حمله هائله من الشائعات تشمل كل شئ : 

اشاعة السفينه الالمانيه كاثرين وصلت ميناء الاسكندريه نحمل اسلحه ومعدات عسكريه (( لإسرائيل)) : 

= طيب بالعقل كده ليه متروحش على اى ميناء اسرائيلى؟

= والمفروض ان مصر هتبعت السلاح ده من معبر رفح المغلق ؟؟

الاشاعه السابقه تتزامن مع اشاعات اطلقتها القنوات الاعلاميه والصحف للكيان الصهيونى ان هناك تنسيق كامل يتم بين الجيش والإستخبارات المصريه ونظرائها من إسرائيل عن كل مايدور فى غزه 

الاشاعتين تم نفيهم على كافة القنوات الرسميه وعلى صفحة المتحدث العسكرى 

شائعات تشوه اى تطوير يتم وتريندات مموله تتداول عن ميادين تم تشويهها ومشاريع المدن الجديده ودى تريندات واشاعات مستمره تصاحب دائما زيادة الاسعار او اى زياده تقوم بها الحكومه للمحروقات او الكهرباء او غيرها استغلالا لغضب الشعب والمواطنين من الغلاء : 

ومعروف ان المدن الجديده هى مشاريع واعده كانت سبب رئيسى فى تمويل كافة مظاهر التنميه بتوفير ميزانيه هائله من تسويقها واستغلالها بدلا من كونها صحراء لاثمن لها ووفرت اكثر من ١٢ تريليون جنيه مصرى ماساعد على تمويل كافة مشاريع الدوله الاخرى من مستشفيات لبناء عشرات الآلاف من المدارس لتطوير قرى الريف الاشد فقرا لاستصلاح ملايين الافدنه وتوطين صناعات استراتيجيه كثيره بدلا من تصدير المواد خام

= وليست سببا اطلاقا فى الازمه الاقتصاديه الطاحنه التى مرت بها مصر نتيجة حرب (( الدولار العالميه والموجهه ايضا بشكل فرعى مباشر لمصر ))

اشاعات معتاده متكرره عن بيع مصر لاصولها : 

= اخرها اطلاق اشاعة بيع بحيرة البردويل

بحيرة البردويل تقع فى الساحل الشمالى لسيناء وعلى اهم خطوطها الجبليه الدفاعية الطبيعيه وسيناء على وجه الخصوص يمنع فيها ذلك وايضا لايمكن للحكومه او اى جهه دستوريا بيع جزء رئيسى من مصادر الثروه البحريه او النهريه فقط مسموح ببيع الانتاج السمكى او تصريح بالصيد (( وليس احتكار الصيد ))

= وايضا تم النفى على شاشات القنوات الاعلاميه والاخباريه للدوله اشاعة تدمير تمثالى اسود كوبرى قصر النيل بطلائهم ببويات سوداء : 

= وخرجت وزارة الآثار وضحت بفيديوهات وصور وشرحت مراحل الصيانه التى تتم بمواد خاصه لتنظيف (( الجنزره )) التى تحدث للتفاعل الكيمياتى لمادة البرونز (( المصنوع منها التمثالين )) مع الجو 

= وهى صيانه فنيه دوريه 

 وايضا بدأت حمله كبيره عن عدم جدوى خروج الجيش لمساعدة الصومال وليه كل التكلفه دى واحنا اولى بيها فى ازمتنا الاقتصاديه: ودى نفس عملاء وخونة الداخل والخارج اللى قالوا قبل كده ايه لزمة مليارات بنشترى بيها تسليح جديد واحنا اولى بالفلوس دى ورد من ايام الريس عليهم وقالهم ياترى عرفتوا دلوقت لزمتها ايه وحدودنا كلها مشتعله ؟؟؟

عامة اما دوله بتطلب حماية دوله أخرى (( طبيعى بيكون نظير مقابل مفيش حاجه ببلاش ))

ومصر اعلنت ببساطه تعاقدات للبنيه التحتيه لدولة الصومال وحق انتفاع بميناء وقاعده عسكريه وحق الصيد فى سواحل الصومال (( من اغنى السواحل عالميا فى الثروه السمكية وغير مستغله ))  لاسطول الصيد المصرى والصيادين المصريين وحق الامتياز للذهب والبترول والغاز بعدة مناطق وغيرها الكثير من المشاريع وعلى رأسها تسليح الجيش وقوات الامن الصوماليه من منتجات مصانعنا الحربيه  

وكل المشاريع دى معلنه واتقالت اثناء زيارات رئيس الصومال المتكرره لمصر

لكن دايما الشائعات تخاطب الجهلاء والذى يعميهم غضب ارتفاع الأسعار

(( وهنا يحدث التلاعب الذهنى )) ويختلط ذهنيا الحابل بالنابل ويفقد الجهلاء الرؤيه او التفكير فيندفعوا غاضبين لينتقدوا تكاليف خروج القوات المصريه للصومال 

وايضا كل القوات المصريه فى حفظ السلام تتقاضى مصر عنهم تكاليف كامله للافراد والمعدات بالدولار من الامم المتحده 

ماسبق جزء بسيط من الاشاعات كلها اطلقت منذ ٤٨ ساعه فقط لاغير فيجب الانتباه من هذه الحمله المسعوره 

هنتابع معاكم اولا بأول الحملات المسعوره وشائعات المغرضين

وخدوا بالكم (( التلاعب الذهنى )) دايما بيكون ربط شئ 

(( حقيقى وموجود زى غلاء الاسعار )) بشئ تانى مالوش علاقه بيه والشئ التانى(( بيكون فى الأساس هو الهدف المطلوب هدمه او توجيه غضب الناس ليه ))طبعا دايما هتلاقوا الجيش اول اهدافهم  ...؟؟

وطبعا تانى حاجه لازم هتكون ليها علاقه بالاقتصاد 

ضرب سياحه او مدن جديده او مشاريع جديده او استثمارات وهكذا عشان اهم اعمدة اى دوله (( جيش + واقتصاد ))

طيب وليه كل ده مع الانتخابات الامريكيه؟؟؟ : 

عشان ببساطه محدش يتابع ويشوف ان التجربه الامريكيه الديمقراطيه (( فنكوش )) وليست حقيقيه ومحدش يتفرج على كاميلا هاريس وترامب وهما (( بيشرشحوا لبعض )) اه والله زى ماكتبتها كده حرفيا 

وشالوا بايدن عشان العالم كله كان بيقول اتنين مجرمين ومدانين بقرارات محكمه بيتنافسوا على حكم اميركا (( الغير شريفه )) واللى مصدعانا بالديمقراطيه والحياه المثاليه واحترام القانون (( اللى فى الحقيقه محدش بيحترمه من الاساس ))

فقط بيخافوا منه عشان كده اول مابتحصل كوارث زى اعاصير وفياضانات وتختفي الشرطه لفتره قصيره كل الشعب الاميركى فى المدن دى بيكسروا المحلات وبينهبوها وطبعا زى ما شرحنا امس واول امس ان ده اسبوع الكذب الانتخابى الاميركى : 

امس فقط كان هناك ١٠٠ الف مبادرة سلام وكل الناس بلينكن وبايدن والبيت الابيض وحنى رئيس وزراء لبنان لا وكمان حماس وكمان حزب الله كلهم اتكلموا اننا هنصحى نلاقى الهدنه تمت ووقف اطلاق النار والحرب انتهت

واليوم عادى جدا اليوم كله كافة القنوات الاخباريه العربيه والعالميه طول اليوم بتتكلم عن فشل كل المبادرات والاحلام وان كلها (( فنكوش )) لا وايه زيارات مكوكيه بلينكن وتانى يوم مبعوث اميركا للبنان وإسرائيل وثالث يوم رئيس المخابرات الامريكيه فى جوله واول مايمشى هيوصل غيره وهكذا لغاية ماتنتهى الانتخابات وتستقر اميركا والشعب الاميركى يروح ينتخب ويكون تركيزه فقط على الانتخابات  ...

جمعة مباركة على مصر الجميلة.

اللواء سامي دنيا رئيس ش مجلس ادارة ديلي جراف عربية