رمش ناري
بجاتو ابو شمس
والله واتشنكل قلبي الحزين
ووقع لشوشته من غمزتين
سلم بسرعة وقال امين
شغلتني ام عيون حلوين
شاورت بس رحت جاري
رمت نظرة برمش ناري
كعبلت اموري شقلبت حالي
كل ده حصل في يومين
ياخسارة القلب اللي كان صلب
بقي حاله كتير صعب
لما داق طعم الحب
قال كنت من كل ده انا فين
اثبت كدة وخليك جدع
عامل ليه زي جعان واتفجع
شكلك فيك الواحد اتخدع
ضحكت عليك بضحكتين
مكدبش عليك اصلها تستاهل
عيون غزلان تحارب تقاتل
عود زي شجر ريحان بيتمايل
توقع اي حد لو انت مين
عذرتك ياقلبي لما سلمت
بسرعة وقولت امين
0 تعليقات